瀏覽服務評價 - 個人資料 Tiffany 行旅

目前線上 18 人　今日瀏覽 10968 人　昨日瀏覽 17911 人

	會員名稱： Helen
	攝影行程： Tiffany攝影行程建立日期： 2019-11-01

能遇到台中Tiffany 很開心~!!

很美~ 拍出來很有感覺~!!! 不會覺得跟別人的一樣, 不會很公式化~ 而且攝影師幽默風趣~ 令新人不會緊張!

多款禮服選擇~ 問題只會是太多會選到花多眼亂~!! 造型師很給力~~ 她會根據選好的禮服去作配對~
早在前一年的8月就去行婚展, 入到去例牌俾好多影相公司圍住. 我都一直冇去. (其實本身就冇諗住8月搵prewedding既, 諗住去睇下D婚戒姐) 點知行行下, 我竟然自己走埋去坐底左, 一傾就傾到收場!! 因為本身冇諗過要買prewedding package住, 所以我就話, 我地9月再黎過啦~
我地亦都真係9月返去搵佢地, 佢地仲竟然買左台灣手信-太陽餅俾我, 實在太驚喜了!! 之後, 3月去了台中影prewedding.

到達台中時, Tiffany 安排左的士接載~ 非常貼心~ 第一日去參觀佢座"城堡"! 好多層啊~ 好多室內既景啊~~全部都唔同主題~ 都好靚~ 之後就去揀婚紗同晚裝啦~ 幫我揀衫個位員工會問左一D 你既preference先, 再俾你去試~ 試衫個台又大又靚啊~~ 一試就試到夜晚啦, 哈哈~ 佢地仲買左珍珠奶茶俾我地飲, 真係超貼心~ 晚上食少少野就返去同攝影師傾去邊到影相, 設計行程啦.

第二日神咁早就去到好大既化妝間化妝~ 本身有聽過D人話安瓶要收費, 所以我自己一早係香港帶過黎, 帶左3支... 但佢都話唔夠用... 成個body唔夠用(我冇諗過原來身都要用...), 不過我叫佢盡用啦 (反正最後都P圖之麻~?) 由早影到晚, 攝影師超鬼馬, 又好笑, 仲教你擺pose~ 笑足一日冇悶場 Laughing 最後一套返tiffany附近影, 我地因為太攰, 決定搵佢地D 室內studio 影就算啦~ 一影就影到10點幾... 除左個lunch 食左個便當之外就冇野落過肚(包括水... 但你影緊個時係冇feel, 因為你著住D 婚紗晚裝都唔會想去廁所) 臨走前, Emma 仲買左宵夜俾我地拎返酒店食tim~!! 真係冇得彈呀~!!

第三日-揀相日~ 因為我地揀相時間係晚上, 一揀就揀到11點12點咁上下... 因為實在影得太靚~ 唔洗P圖都已經好正!!! 我地好困難地終於選出最喜愛的去放入相本~ 我地揀完之後, 真係要say gdbye 啦~ 佢地最後都有手信俾我地拎返去 (點可以咁貼心架~!!!!)

雖然我一開始就覺得有D擔心, 話晒人在香港要先俾錢再隔咁耐先去台中影相... 不過諗住影prewedding的朋友們真係可以試下台中Tiffany~!! 服務態度一流唔在講, 仲感受到佢地既熱情同真誠~!! 佢地既售後服務都係冇得頂架!

下面附上少少prewedding 照片~