瀏覽服務評價 - 個人資料 Tiffany 行旅

目前線上 14 人　今日瀏覽 17464 人　昨日瀏覽 17060 人

	會員名稱： Ken
	攝影行程： Tiffany攝影行程建立日期： 2023-09-06

團隊專業，用心，細心，非常感謝🙏🏾

我地2023年9月5日影

按我哋需要,童sir本來plan
第一站孔廟影中式
第二站火焰山影黑紗一半，去alice（城堡）影黑紗另一半，再影白紗一半
第三站影心型公路，有山脈，草，藍天。

影外景嘅路線，因為天氣關係，撞到正呢幾日打風又落雨天，童sir已經安排得好好。我開頭仲擔心要喺帝芬妮影廠景，可以影到咁多外景已經好感動，覺得好好彩。

我哋想要城堡，本來想去老英格蘭莊園嘅，但係之前條路整修緊加上打完風去唔到，考慮埋天氣好大機會落雨有風險，我地先揀alice。亦好好彩揀咗Alice，減低咗天氣嘅影響。

我地影咗孔廟同埋火焰山，一路有陽光藍天冇雨，係非常好彩。但一影完火焰山上車就有雨，後來大雨到連心型公路都去唔到。

喺Alice後段落好大雨，所以最終喺alice影埋最後，有啲係室內景，但我覺得都靚，主要係有城堡嗰啲啱feel。到我後尾突然諗到喺Alice揸透明遮影雨景幾有feel，童sir即刻諗到喺後面set燈，佢馬上執行，成把遮發光，效果好靚！
只要諗到，童sir都會幫我做到，佢嘅經驗、技術、執行力、創造力、溝通能力全部都超級高，冇佢今日真係搞唔掂

大家都不顧自己的照顧住我地，令整個拍攝過程都流暢好多好多，成個crew都淋咗好多雨。

造型師一路幫忙顧造型，幫老婆換了3個妝容3個頭，孔廟、超熱嘅火焰山，後來落大雨嘅alice都冇呻過半句。仲跟助手淋住雨幫忙拋白紗，超有heart！
助手個頭濕到透哂都掛住遮我地冇理過自己，真心好搏！

最後大家都攰到喺車一路瞓哂，但係童sir喺車仲執緊相😂

衷心感謝幾位，大家都好專業，有heart，好細心，很難忘的體驗。

攝影：童sir
造型：婉甄老師
攝影輔助：朝泉
門市：Lillian&Emma
禮服顧問：世玉

相片：